जन सरोकार

यात्रु बनेका बन्दकर्ताले चालक कुम्भनारायणलाई भित्रै राखेर यसरी लगाए आगो

विहानको झिसमिसेदेखि आधारातसम्म पसिना बगाएर जहान छोराछारी पाल्ने मजदुरहरुका लागि राजनीतिक दलका नेताको सत्तारोहण, सत्तावहिर्गमनसंग कुनै मतलब हुने कुरा भएन । उनीहरुलाई मात्र सडक शान्त भए पुग्छ मेहेनत गर्न ।

यस्तै मेहेनत गरिरहेका मजदुर हुन वर्षीय कुम्भनारायण श्रेष्ठ । एक दशकदेखि उपत्यकामा ट्याक्सी चलाइरहेका उनी सदाझै बिहीबार पनि एकाबिहानै ट्याक्सी लिएर सडकमा निस्किए । थपाथलीबाट यात्रु बोकेर सोह्रखुट्टे पुगे । त्यहीँबाट सामाखुशी जाने मान्छे भेटे । विहानै लगातार यात्रु पाएका उनी खुसी थिए ।

तर, सामुखशीबाट फर्किनै लाग्दा एकजना व्यक्तिले चाबहिल जाउँ भने । तिनै यात्रु उनको ट्याक्सीको दुश्मन निस्किए । राम्रोसंग उज्यालो पनि नभइसकेको अवस्थामा उनले ती व्यक्तिलाई राम्रोसँग हेर्न पनि पाएका थिएनन् । सिटबेल्ट बाँधेर उनी स्टेरिङमा मात्रै के बसेका थिए, नसोचेको दृश्य देख्नु पर्‍यो । पछाडि राखिएको चकटीमा आगो दन्किरहेको थियो ।

आत्तिँदै चकटी फ्याकेँ तर, अघि चाबहिल जान्छु भन्नेसँगै आएका व्यक्तिले पेट्रोल खन्याइसकेका रहेछन्, निभाउन सम्भव भएन । आफ्नो गरिखाने ट्याक्सीमा आगो बलिरहँदा हेरिरहन शिवाय केही गर्न सकेनन् । आफू तत्कालै ट्याक्सीबाट बाहिर ननिस्किएको भए ाई पनि समस्या हुने थियो ।

धन्न उनको ज्यान चाहिँ जोगियो तर ट्याक्सी जलेपछि साहुले के भन्लान् भन्ने चिन्ताले सताएको छ । यद्यपि, सम्बन्धित निकायले क्षतिपूर्ति दिन्छ कि भन्ने आश भने रहेको उनले सुनाए ।

ट्याक्सी जलेपछि कुम्भनारायणको भविष्य पनि जलेको छ । ४१ वर्षका उनी भविष्यमा के गरेर खाने भन्ने चिन्ताले सताएको मात्रै छैन ट्याक्सीको क्षतिपूर्ति पनि आफैंले साहुलाई तिर्नुपर्ने हो कि भन्ने चिन्ताले थप सताएको छ । मजदूर, निमुखा, किसानको हितमा राजनीति गर्ने भन्नेहरुले बन्द, हड्तालमा पहिलो निसाना यिनै वर्गलाई पार्ने गरेका छन् ।

बन्दका दिन काठमाडौंका सडकमा गुड्ने सवारीसाधन मात्र हैन तरकारी बेच्ने ठेलादेखि अन्य सामान्य व्यापार गर्नेहरुलाई पनि निसाना बनाउने गरिन्छ । यो अहिले मात्र हैन विगतदेखिकै निरन्तरता हो ।

सम्बन्धित खबर

Back to top button