देशव्यापी आम हड्ताल आव्हान गरेको प्रचण्ड नेपाल समूहका कार्यकर्ताहरुले बन्द गराउन सडकमै बसेपछि सडकमै भात पकाएर खाएका छन् । बिहिबार झिसमिसेदेखि नै बन्द गराउन हिंडेका आन्दोलनकारीहरुका लागि सडकमै खाना पकाउने बन्दोबस्त गरिएको हो ।

आफ्नो शक्ति प्रदर्शनको उचित मौका पाएको प्रचण्ड नेपाल समूहले बन्दलाई देव्यापी रुपमा सफल बनाउन कुनै कसर बाँकी राखेको छैन । तर आम जनतालाई बन्दको अवज्ञा गरेर सवारी साधन चलाएको भन्दै साधन तोडफोड गर्ने गरिए भने अध्यक्ष प्रचण्ड भने सुरक्षाकर्मीका साथ ल्याण्ड क्रुजर चढेर बन्द गराउन सहभागी हुनुभयो ।

बन्द सफल पार्न भन्दै शीर्ष नेताहरू नै सडकमा ओर्लिएका छन् । अध्यक्ष पुल्चोकमा पुगेर आन्दोलनमा सहभागी हुनुभएको थियो भने अर्का अध्यक्ष माधव नेपाल स्कुटर चढेर कोटेश्वर क्षेत्रको अवलोकन गरेर फर्किनुभएको छ ।

देशव्यापी आमहड्ताल आव्हान गरेका प्रचण्ड आफैंले बन्दको अवज्ञा गर्दै बा १७ च ३० ७१ को ल्याण्ड क्रुजर गाडी चढेर हामहड्ताल गराउन ललितपुरको पुलचोक पुग्नुभएको थियो । गाडीबाट ओर्लिएर उहाँ बीच सडकमा केही समय पलेटी कसेर बसेर चाउचाउ र चिउरा खानुभयो र त्यसपछि उठेर फेरि गाडी चढेर उनी जावलाखेल पुग्नुभयो ।

यात्रु बनेका बन्दकर्ताले चालक कुम्भनारायणलाई भित्रै राखेर यसरी लगाए आगो