नेपाल कम्युनिष्ट पार्टीका महासचिव नेत्रविक्रम चन्द ‘विप्लव’ले एकपटक सरकारको नेतृत्वमा पुगेर देशलाई परिवर्तन गर्ने हुटहुटी आफूमा रहेको बताउँदै अन्य दलहरुसँग एकपटक आफूलाई सरकारको नेतृत्व दिन आग्रह गर्नुभएको छ ।
शनिबार बुटवलमा आयोजित अन्तर्क्रियामा चन्दले आफूले सरकारको नेतृत्व गर्न संविधान संशोधन, जनमत संग्रह वा निर्वाचन जुनसुकै विधिबाट तयार रहेको पनि बताउनुभयो ।
उहाँले भन्नुयो, जेबाट भए पनि जनताबाट चुनिएर सरकारको नेतृत्वमा जाने कुरामा हाम्रो विमति छैन, तर त्यसो गर्दा स्थिरता हुनुपर्छ, किसान र मजदुर वर्गको प्रतिनिधित्व सुनिश्चित हुनुपर्छ ।
त्यसै गरी उहाँले सबैजसो दलहरुले कुनै न कुनै समाजवाद भनिरहे पनि नेपाली विशेषताको समाजवादमा सबै दल सहमत हुनुपर्ने बताउँदै देशलाई निकास दिने नेपाली विशेषताको समाजवाद नै भएको स्पष्ट गर्नुभयो ।
कार्यक्रममा उहाँले माओवादीसहित सबैजसो दलका नेताहरु श्रम संस्कारबाट च्यूत भएको भन्दै विदेशमा पुगेर गर्ने जस्तो मेहनत र श्रम देशमै गरे मात्रै मुलुक बन्ने दावी गर्नुभयो ।
उहाँले समाजवादको आधार खडा गर्न मन्त्रीहरुको सम्पत्ति राष्ट्रियकरण गर्नुपर्ने बताउँदै त्यसले समाजवादको आधार खडा गर्ने र नागरिकमा धेरै धन थुपार्ने लोभ कम हुने तर्क गर्नुभयो ।
प्रतिक्रिया राख्नुहोस्