यदी संसदको चुनावमा म उम्मेद्वार भएको भए म मेरो बकपत्र यसरी प्रस्तुत गर्थे- मेरो प्रतिबद्धता – हाम्रो क्षेत्र, हाम्रो भविष्य ! म तपाईंहरूसँग भोट माग्न मात्र आएको होइन, जवाफदेही भएर काम गर्ने वाचा गर्न आएको हुँ। संसद मेरो लागि पद होइन, सेवा गर्ने ठाउँ हो।
१. युवालाई स्वदेशमै भविष्य
हाम्रो क्षेत्रका युवा रोजगारी नपाएर विदेशिन बाध्य छन्। यो अवस्था बदल्नु मेरो पहिलो प्राथमिकता हुनेछ।
मेरो योजना:
•स्थानीय उद्योग खोल्न कर छुट र सहुलियत
•सीपमूलक तालिम केन्द्र स्थापना
•स्टार्टअप र साना व्यवसायलाई बिना धितो सहुलियत ऋण
•IT, अनलाइन काम र फ्रीलान्सिङको प्रशिक्षण
लक्ष्य: “रोजगारी खोज्ने होइन, रोजगारी दिने युवा” उत्पादन गर्नु।
२. किसानलाई सम्मान र आम्दानी
किसान मेहनत गर्छन्, तर नाफा व्यापारीले लिन्छ। यो अन्याय अन्त्य हुनुपर्छ।
मेरो योजना:
•कृषि उत्पादनको न्यूनतम समर्थन मूल्य
•मल, बिउ, सिंचाइमा सहुलियत
•कोल्ड स्टोरेज र बजारसम्म सीधा पहुँच
•कृषि बीमा प्रभावकारी बनाउने
लक्ष्य: किसानको खेती घाटा होइन, गर्वको पेशा बनाउनु।
३. स्वास्थ्य सबैको अधिकार
रोग लागेपछि पैसाको अभावले उपचार नपाउनु कुनै नागरिकको नियति हुनु हुँदैन।
मेरो योजना:
•सरकारी अस्पतालमा औषधि र उपकरण उपलब्ध गराउने
•विशेषज्ञ डाक्टरको नियमित सेवा
•गर्भवती महिला, ज्येष्ठ नागरिक र बालबालिकालाई प्राथमिकता
•स्वास्थ्य बीमा प्रभावकारी कार्यान्वयन
४. शिक्षा = सीप + अवसर
डिग्री मात्र भएर बेरोजगार हुने अवस्था अन्त्य हुनुपर्छ।
मेरो योजना:
•सरकारी विद्यालयको गुणस्तर सुधार
•प्राविधिक र सीपमूलक शिक्षा विस्तार
•गरिब तथा जेहेन्दार विद्यार्थीलाई छात्रवृत्ति
•विद्यालय–उद्योग सहकार्य कार्यक्रम
५. देखिने विकास, दीगो विकास
जनताले महसुस गर्ने विकास नै वास्तविक विकास हो।
मेरो योजना:
•सडक स्तरोन्नति र नियमित मर्मत
•स्वच्छ खानेपानी
•सिंचाइ विस्तार
•बाढी–पहिरो नियन्त्रण र विपद् तयारी
•बजार व्यवस्थापन
६. भ्रष्टाचारविरुद्ध शून्य सहनशीलता
भ्रष्टाचार विकासको सबैभन्दा ठूलो शत्रु हो।
मेरो प्रतिबद्धता:
•बजेट खर्च विवरण सार्वजनिक
•ठेक्का प्रक्रिया पारदर्शी
•आफ्नो सम्पत्ति विवरण सार्वजनिक
•जनताबाट निगरानी व्यवस्था
अन्तिम कुरा
म यहाँ सत्ता भोग्न होइन, साथ हिँड्न आएको हुँ। तपाईंको समस्या मेरो समस्या हो, तपाईंको सपना मेरो जिम्मेवारी।
“हाम्रो क्षेत्र विकासको उदाहरण बनाउने संकल्पसहित तपाईंको साथ चाहन्छु।”
यतिसम्म बाचागरेपछि अर्को चुनावसम्म त कतै टिकट पो पाईन्छ कि?
प्रतिक्रिया राख्नुहोस्