राजनीति

संचारमन्त्री बाँस्कोटाको अडियोले ल्याएको तरंग (अडियोसहित)

गोकुलप्रसाद बाँस्कोटा

प्रधानमन्त्री केपी शर्मा ओलीका सबभन्दा विश्वासपात्र र निकट मानिने सरकारका प्रवक्ता समेत रहनुभएका सूचना प्रविधि तथा सञ्चार मन्त्री गोकुल बास्कोटाको एउटा अडियो टेप सार्वजनिक भएपछि राजनीतिमा तरंग आएको छ ।

मुलुकमा स्थापना हुने भनिएको सेक्युरिटी प्रेसका सवालमा मन्त्री बाँस्कोटालाई जानकारी दिने एजेन्टसंगको कुराकानीमा कमिशनको कुरा गरेको र मन्त्रालयका कर्मचारीहरुलाई गाली गर्दै २७ अर्ब रुपैयाँ लाग्छ भने त्यसलाई २८ अर्ब बनाउन समेत निर्देशन दिनुभएको छ ।

आरोप प्रमाणित भए सजाय भोग्न तयार छु : मन्त्री बाँस्कोटा

२ मिनेट ३० सेकेन्डको अडियोमा सेक्युरिटी प्रेसका एजेन्ट र मन्त्री बास्कोटावीच ७४–७५ करोड कमिसन लेनदेनबारे कुरा भएको छ । मन्त्री बास्कोटाले कर्मचारीहरुलाई नभन्नु भन्दै कमिसन लेनदेनमा सहमति जनाएको अडियो सम्वादमा सुन्न सकिन्छ ।

यसैबीच सेक्युरिटी प्रेस खरिद प्रकरणमा मुछिएका सञ्चार तथा सूचना प्रविधि मन्त्री गोकुल बास्कोटालाई बर्खास्त गरेर अनुसन्धान गर्न प्रमुख प्रतिपक्षी दल नेपाली कांग्रेसले माग गरेको छ ।

प्रवक्ता विश्वप्रकाश शर्माद्वारा जारी विज्ञप्तिमा भनिएको छ– सेक्युरिटी प्रिन्टिङ खरिद तयारीसँगै ठूलो रकम अनियमितता तयारी भइरहेको थियो भन्ने अनुमानित विवरण यसअघि नै सार्वजनिक भएका थिए । तर स्वयं सञ्चारमन्त्रीले कमिसनका लागि बार्गेनिङ गरेको अडियो सार्वजनिक भएपश्चात यो अनुमान बलियो ढंगले प्रमाणित भएको छ ।’

बास्कोटाले सेक्युरिटी प्रेस खरिदका लागि एक एजेन्टसँग अश्लिल संवाद गर्दै कमिसनको कुरा गरेको अडियो सार्वजनिक भएलगत्तै कांग्रेसले विज्ञप्ति जारी गरेर मन्त्रीको बर्खास्ती र छानबिन माग गरेको हो ।

(अडियो साभार अनलाइनखबर)

 

सम्बन्धित खबर

Back to top button