कोरोना भाइरसबाट संक्रमितहरुको उपचारमा नयाँ नयाँ खोज भैरहेका बेला चिनीया स्वास्थ्य अधिकारीहरुले भाइरस संक्रमणको उपचारबाट निको भएकाहरुको ‘रक्त प्लाज्मा’बाट संक्रमितको उपचार गर्दा निकै प्रभावकारी सफलता मिलेको बताएका छन् ।
चीनको राष्ट्रिय स्वास्थ्य आयोगका अधिकारी गुओ यान्होंगले दिएको जानकारी अनुसार १ सय ७५ जना संक्रमितलाई यस्तो उपचार गर्दा ९१ जनाको स्वास्थ्यमा निकै सुधार आएको छ । रक्त प्लाज्माको उचारपछि ४८ घण्टासम्म उनीहरुलाई निगरानीमा राख्दा यो नतिजा निस्केको हो ।
यसै गरी गुओले कारोना भाइरसबाट संक्रमित भएकाहरुमा आधाजसो स्वस्थ भएको र उनीहरु अस्पतालबाट डिस्चार्ज गरिएको छ । उहाँका अनुसार ३६ हजार बिरामी उपचारपछि घर फर्किसकेका छन् यो कुल संक्रमितको ४५ प्रतिशत हो ।
अधिकारीहरुले संक्रमणबाट स्वस्थ भएकामध्ये ८ हजार ४ सयमाथि कडा निगरानी राखेको र त्यसमा ९०.८ प्रतिशत मानिसमा बिरामीको कम लक्ष्यण थियो । ७.२ प्रतिशत गम्भीरस्थितिमा थिए भने २ प्रतिशतको अवस्था गम्भीर थियो । विशेषज्ञहरुका अनुसार २.८ प्रतिशत मानिसमा पहिलेदेखि नै कम्तिमा एक लक्ष्यण थियो ।
प्रतिक्रिया राख्नुहोस्