नेकपा विप्लव समूहसंग वार्ता गर्न सरकारले गृहमन्त्री रामबहादुर थापा बादलको नेतृत्वमा वार्ता टोली गठन गरेपछि सो समूहले पनि पार्टी प्रवक्ता खड्गबहादुर विश्वकर्मा ‘प्रकाण्ड’को नेतृत्वमा वार्ता टोली बनाएको छ । टोलीमा उदय चलाउने ‘दीपक’ सदस्य छन् ।
विप्लव समूह हिंसात्मक गतिविधिमा संलग्न भएको भन्दै २८ फागुन २०७५ मा सरकारले प्रतिबन्ध लगाएको थियो । तर नेकपा विभाजित भएसंगै सरकारले विप्लवसंग वार्ताको तयारी गरेको थियो भने समूहमाथिको प्रतिबन्ध पनि चाँडै फुकुवा गर्ने बताएको छ ।
सरकारले वार्ता समिति गठन गरेलगत्तै सो पार्टीका महासचिव विप्लवले प्रेस विज्ञप्ति जारी गरेर आफूहरुको तर्फबाट पनि समिति बनेको जनाइएको हो ।
सरकारले बनाएको समितिमा प्रधानमन्त्रीका परराष्ट्र मामिला सल्लाहकार राजन भट्टराई सदस्य छन् । त्यसो त यसअघि सांसद सोमप्रसाद पाण्डेको नेतृत्वमा भूमिगत समूहहरुसँग वार्ता गर्ने भन्दै समिति बनाएको थियो ।
प्रतिक्रिया राख्नुहोस्