काठमाडौंमा जारी तीन देश सम्मिलित त्रिकोणात्मक टी-२० आई श्रृङ्खलाको फाइनलमा नेपाल र नेदरल्यान्ड्सबीच प्रतिस्पर्धा हुने भएको छ ।
![Nep-Nether](https://www.nepaljapan.com/wp-content/uploads/2024/02/Nep-Nether-e1709115685580.jpg)
आइतबार नामिबिया र नेदरल्यान्ड्सबीचको खेल वर्षाको कारण रद्द भएपछि अंकका आधारमा नेदरल्यान्ड्स शीर्षस्थानमा र नेपाल दोस्रो हुँदै फाइनलमा भेट तय गरेका हुनु ।
नामिबिया र नेदरल्यान्ड्सबीच समूह चरणको अन्तिम खेल चलिरँदा पानी परेपछि खेल अबरुद्ध भएपछि दुबै टोलीले १–१ अंक बाँडे ।
मिबियासँग अंक बाँडेपछि नेदरल्यान्ड्स ५ अंकसहित शीर्षस्थानमा रहँदै फाइनलमा पुगेको छ । दोस्रो भएको नेपालको ४ अंक छ । बराबरीपछि नामिबियाको ३ अंक मात्र भयो ।
आइतबार नेदरल्याण्ड्सविरुद्ध टस हारेर पहिला ब्याटिङको निम्तो पाएको नामिबिया १५ ओभरमा ९८–४ को अवस्थामा वर्षाको कारण खेल रोकिएको थियो ।
नेपाल पहिलो खेलमा नामिबियासँग २० रन र दोस्रो खेलमा नेदरल्यान्ड्ससँग २ रनले हारेको थियो । तर आफ्नो तेस्रो खेलमा नेपालले नामिबियालाई ३ रन र नेदरल्यान्ड्सलाई ६ विकेटले हराउँदै फाइनलमा स्थान पक्का गरेको हो । फाइनल मंगलबार हुनेछ ।
प्रतिक्रिया राख्नुहोस्