निर्वाचन आयोगले आगामी स्थानीय तह निर्वाचनको मतपत्र हरियो रंगमा छाप्ने तयारी गरेपछि नेकपा एमालेका अध्यक्ष केपी ओलीले कांग्रेसको सुकेको रुखलाई फाइदा पुग्ने गरी आयोग झुकेको भन्दै आलोचना गर्नुभएको छ ।
उहाँले नेपाली कांग्रेसलाई सुकेको रुखको संज्ञा दिंदै सुकेको रुखमा हरियाली दिलाउने गरी निर्वाचन आयोगले मतपत्रको रंग नै हरियो बनाउन खोजेको आरोप लगाउनुभएको छ ।
बुधबार मोरङको रंगेलीमा आयोजित कार्यक्रममा ओलीले मतपत्रमा हरियो नभई रातो रङ राख्नुपर्ने बताउँदै मतपत्रको रङबारे निर्वाचन आयोगको निर्णय कांग्रेसतिर झुकेको आरोप समेत लगाउनुभयो ।
पूर्व प्रधानमन्त्री समेत रहनुभएका अध्यक्ष ओलीले भन्नुभयो कांग्रेसको बुढो रूख बचाउन निर्वाचन आयोगले मतपत्रको रङ नै हरियो बनाउन खोजेको छ ।
प्रतिक्रिया राख्नुहोस्