हरेक वर्ष आगलागीको चपेटामा पर्दैआएको ताप्लेजुङको सदरमुकाम फुङलिङ बजारमा आगलागी भएको छ । फुङलिङ नगरपालिका–४ मा आज बिहान आठ बजेतिर आगो लागेको हो ।
गत वर्ष फागुन १८ गते जिल्लाका दोभान बजारमा आगलागी हुँदा चालीस बढी घर जलेका थिए । आगोले दुई वटा घरमा क्षति पुगेको र नियन्त्रणको प्रयास भइरहेको प्रमुख जिल्ला अधिकारी महेश कुमार पोखरेलले जानकारी दिनुभयो ।
नगरपालिकाको दमकलको सहयोगमा सेना, सशस्त्र र नेपाल प्रहरीको टोली आगो निभाउन खटिएको र बीच बजारमा आगो लागेकाले थप क्षति नहोस् भनेर अन्य दमकल झिकाउने गरी तयारी भइरहेको उहाँले बताउनुभयो ।
प्रतिक्रिया राख्नुहोस्