लडाकु बनाउने उद्देश्यले एक १४ वर्षीया बालिकाको अपहरण गर्ने नेत्रविक्रम चन्द नेतृत्वको नेकपाका १४ जना कार्यकर्तालाई प्रहरीले हतियार तथा दस्तावेजसहित पक्राउ गरेको छ । उनीहरुलाई पक्राउ गरेसंगै प्रहरीले बालिकाको पनि उद्धार गरेको छ ।
समाचार अनुसार धनुषा जिल्लाको गणेशनाथ चारनाथ नगरपालिका ५ गौरीखेलकी १४ वर्षकी गरिमा मोक्तानको अपहरणको आरोपमा प्रहरीले उदयपुरबाट विप्लव समूहका १४ कार्यकर्तालाई पक्राउ गरेको हो । बुधबार साँझ ५ बजे अपहरणमा परेकी मोक्तानको बिहीबार ३ बजेतिर उद्दार भएको हो ।
प्रदेश २ का प्रहरी प्रमुख डीआईजी प्रद्युम्न कार्कीले विप्लव समूहले ती बालिकालाई लडाकु बनाउने उद्देश्यले कब्जामा लिएको प्रारम्भिक अनुसन्धानबाट खुलेको बताउँदै उनीहरुको साथबाट ३ वटा पेस्तोल र ११ वटा सकेट बम र प्रेसरकुकर बम पनि बरामद गरेको बताउनुभएको छ ।
प्रतिक्रिया राख्नुहोस्