बल्ल पक्राउ परिन् नेपाली युवती लगेर भारतमा कोठी सञ्चालन गर्ने चमेली
नेपालबाट महिलालाई लैजाने र वेश्यावृत्तिमा लगाउन नेपाली महिलाले भारतमा कोठी नै सञ्चालन गरेको फेला परेको छ । नुवाकोटको साविक गाउँखर्क गाविस–९ की ६२ वर्षीया रुकमाया तामाङ (चमेली)ले कोठी संचालन गरेको खुलेको हो ।
![पक्राउ पक्राउ](https://www.nepaljapan.com/wp-content/uploads/2018/12/warrest-e1580457724147.jpg)
भारतमा कोठी सञ्चालन गर्ने मानव बेचबिखन अपराधमा संलग्न रहको भन्दै प्रहरीको खोजीमा रहेकी चमेलीलाई पक्राउ गरेपछि उनले कोठी नै संचालनन गरेको खुलेको हो ।
उनले सीता तामाङका नाममा मानव बेचबिखन गर्ने गरेको र भारतको नयाँ दिल्लीस्थित जिबी रोडको ५६ नम्बर गल्लीमा कोठी सञ्चालन गरेर बस्ने गरेको पत्ता लागेको छ ।
मानव बेचबिखन अनुसन्धान ब्युरोबाट खटिएको प्रहरी टोलीले नुवाकोट प्रहरीको सहयोगमा विदुर नगरपालिकाबाट पक्राउ गरी अनुसन्धान थालिएको ब्युरोका प्रहरी नायब उपरीक्षक ढुण्डीराज नेउपानेले जानकारी दिनुभयो । उनका विषयमा काठमाडौँ जिल्ला अदालतबाट सात दिनको म्यादसमेत थप गरी अनुसन्धान जारी छ ।
पीडित महिलालाई उनका सहयोगीले चितवनमा आफन्तको घरमा काम लगाइदिन्छु भन्ने बहानामा काठमाडौँबाट लगेको अनुसन्धानबाट देखिएको छ । त्यसपछि गिरोहले बीच बाटोमा पानीमा बेहोस हुने औषधि खुवाएर भारतको नयाँ दिल्लीस्थित तामाङको कोठीमा पु¥याएर बिक्री गरेको खुलेको नेउपानेले बताउनुभयो ।
त्यसपछि तामाङले पीडितलाई बन्धक बनाई जबर्जस्ती यौन पेशामा लगाएकी थिइन् । मानव बेचबिखन तथा ओसारपसारसम्बन्धी जाहेरीका आधारमा उनलाई पक्राउ गरिएको हो । उनका सहयोगी अन्यको खोजी जारी रहेको ब्युरोले जनाएको छ ।
प्रतिक्रिया राख्नुहोस्