डडेल्धुराको गन्यापधुरा गाउँपालिका–५ स्थित पटौरा सामुदायिक वनमा जङ्गली जनावर मार्न भरुवा बन्दुकको पासो थापेका एकजनाको सोही बन्दुकको गोली लागेर मृत्यु भएको छ ।
मङ्गलबार राति गन्यापधुरा–४ का ४५ वर्षीय दलबहादुर पानको आफैंले थापेको बन्दुकको पासोको गोली लाग्दा मृत्यु भएको प्रहरीले जनाएको छ ।
जिल्ला प्रहरी कार्यालयका अनुसार दलबहादुरको डडेल्धुरा अस्पताल लैजाँदै गर्दा बाटामा नै मृत्यु भएको हो । मृत्तकको शव अस्पतालमा राखिएको बताइएको छ ।
त्यस्तै घटनामा संलग्न रहेको हुनसक्ने भन्दै प्रहरीले अन्य चार जनालाई नियन्त्रणमा लिई आवश्यक अनुसन्धान गरिरहेको जनाएको छ । नियन्त्रणमा लिइएकाको परिचय भने प्रहरीले खुलाएको छैन ।
प्रतिक्रिया राख्नुहोस्