सुनको मूल्य प्रतितोला एक लाख नौ हजार
आज (बिहीबार) नेपाली बजारमा सुनको मूल्य अघिल्लो दिनको तुलनामा एक हजार २०० रुपैयाँले बढेर छापावाल सुनको मूल्य एक लाख नौ हजार रुपैयाँ तोकिएको छ ।
नेपाल सुन चाँदी व्यवसायी महासंघका अनुसार बुधबार छापावाल सुन एक लाख सात हजार आठ सय रुपैयाँमा खरिद बिक्री भएको थियो ।
नेपाल सुनचाँदी व्यवसायी महासङ्घले सार्वजनिक गरेको तथ्याङ्कअनुसार आज तेजाबी सुनको मूल्य प्रतितोला रु १ लाख आठ हजार पाँच सय रहेकामा बुधबार प्रतितोला रु १ लाख सात हजार तीन सयमा कारोबार भएकोे थियो ।
त्यस्तै आज चाँदीको मूल्य १३ सय ६० रुपैयाँमा कारोबार भइरहेको छ । चाँदीको मूल्य बुधबारको तुलनामा तोलामा २५ रुपैयाँले बढेको हो । बुधबार चाँदी प्रतितोला एक हजार ३३५ मा कारोबार भएको थियो ।
महासङ्घले अन्तर्राष्ट्रिय बजारमा सुन तथा चाँदीका मूल्यमा हुने घटबढका आधारमा यहाँ दैनिक कारोबार मूल्य तोक्दै आएको छ । सुनको मूल्यले गत आइतबार (चैत ५) गते रेकर्ड कायम गरेको थियो । स्थानीय बजारमा आइतबार छापावाल सुनको मूल्य प्रतितोला रु १ लाख १० हजार र तेजाबी सुनको मूल्य प्रतितोला रु १ लाख ९ हजार ५०० मा कारोबार भएको थियो ।
प्रतिक्रिया राख्नुहोस्