बैतडीकी १७ वर्षया युवती भागरथी भट्टको हत्यामा संलग्न रहेको आरोपमा पक्राउ गरी सुधार गृहमा राखिएका १६ वर्षीया दिनेश भट्टले नै बलात्कार गरेको पुष्टि डिएनए परीक्षणबाट भएको छ ।
राष्ट्रिय विधि विज्ञान प्रयोगशालामा गरिएको दिनेश भट्ट र बलात्कारपछि हत्या गरिएकी बालिका भागरथी भट्टको भजाइनल स्वाबबाट निकालिएको डीएनए मिलेको हो ।
डिएनए रिपोर्टले हत्या र बलात्कार प्रकरणको अनुसन्धानलाई थप बलियो बनाएको सुदूरपश्चिम प्रदेश प्रहरी कार्यालयका प्रवक्ता एसएसपी मुकेश सिंहले बताउनुभएको छ ।
यस प्रकरणमा विभिन्न अनलाइन तथा युटुब च्यानलहरुमाा दिनेशले बयान फेरेको, अरुलाई पोलेको, दवावमा बयान दिएको जस्ता समाचारहरु आइरहे पनि विधि विज्ञान प्रयोगशालाको अनुसन्धानले उनले नै बलात्कार गरेको देखाएको हो ।
यसअघि भारगथीको हत्या प्रकरणमा पक्राउ परेका दिनेशका बुबाले दीपकराजले गत आइतबार पत्रकार सम्मेलन गरेर छोरालाई धम्क्याएर फसाइएको बताएका थिए ।
आरोपित किशोरले बैतडी जिल्ला अदालतमा आफ्नो कसुर स्वीका’र गरेका थिए । थुनछेक बहसपछि आरोपित नाबालक भएकाले अदालतले सुधार केन्द्रमा पठाएको थियो ।
प्रतिक्रिया राख्नुहोस्