भारतबाट फर्किएका २९ जनाको परीक्षण गर्दा १२ जनामा कोरोना संक्रमण
![Corona](https://www.nepaljapan.com/wp-content/uploads/2021/01/Corona-1.jpg)
भारतमा कोरोना संक्रमणले पुनः महामारीको रुप लिन थालेपछि त्यहाँ रहेका नेपालीहरु स्वदेश फर्कने क्रम बढेसंगै कोरोना पनि संगसंगै आउन थालेको छ । भारतबाट फर्केकामध्ये आधाजसोमा कोरोना संक्रमण देखिएको परीक्षणका क्रममा भेटिएको छ ।
धनगढीस्थित सेती प्रादेशिक अस्पतालअन्तर्गत रहेको अस्थायी कोरोना अस्पतालमा सोमबार गरिएको २९ नमूना परीक्षणमध्ये १५ जनामा कोरोना पुष्टि भएको सेती प्रादेशिक अस्पतालका सूचना अधिकारी दिलीपकुमार श्रेष्ठले जानकारी दिनुभयो । तीमध्ये केही दिनअघि मात्रै भारतका विभिन्न शहरबाट आएका १२ जनामा कोरोना सङ्क्रमण पुष्टि भएको उहाँले बताउनुभयो ।
उहाँका अनुसार कोरोना सङ्क्रमण पुष्टि हुनेमा धनगढी उपमहानगरपालिका–३ का ३४ वर्षीय पुरुष, सोही वडाका ३० वर्षीया महिला र वडा नं. २ का ३० वर्षीय पुरुष रहेका छन् । त्यसैगरी भारतबाट आएका धनगढी–१ का ३० वर्षीया महिला, डोटीको केआई सिङ गाउँपालिका–६ का ५८ वर्षीया पुरुष, कञ्चनपुर शुक्लाफाँटा–११ का २२ वर्षीया पुरुष र कृष्णपुर–६ का २२ वर्षीया महिलामा कोरोना सङक्रमण देखिएको सूचना अधिकारी श्रेष्ठले बताउनुभयो ।
प्रतिक्रिया राख्नुहोस्