सत्तारुढ नेपाल कम्युनिष्ट पार्टी (एमाले) माधव नेपाल समूहले अध्यक्ष ओलीको कारबाही पार्टी विभाजनतिर लैजाने षड्यन्त्र भएकाले आफ्नो समूहले सो कारबाही नमान्ने, नयाँ पार्टी पनि नबनाउने निष्कर्ष निकालेको छ ।
सोमबार वरिष्ठ नेता माधवकुमार नेपाल र उपाध्यक्ष भीम रावललाई ६ महिना निलम्बन गर्ने अध्यक्ष केपी शर्मा ओलीको कदमपछि बसेको बैठकले ओलीको सो कदमले पार्टीमा विचार र संगठनबारे छलफल–बहसको ढोका बन्द गर्ने र एमालेलाई विभाजनतिर लैजाने निष्कर्ष निकालेको हो
मंगलबार बसेको नेपाल समूहका ११ स्थायी कमिटी सदस्यहरुको बैठकले कारबाहीको निर्णय विधान विपरित भएको भन्दै यस्ता कार्य पार्टीभित्र विचार र संगठनबारे छलफल र बहस गर्ने ढोका बन्द हुने र एमालेलाई विभाजन गरी छिन्नभिन्न गर्ने दुराशयकै परिणाम रहेको निष्कर्ष निकालिएको छ ।
बैठकपछि जारी संयुक्त वक्तव्यमा भनिएको अध्यक्ष ओलीको यो कदम पार्टी विधान, पद्धति र मान्यता विपरित भएको भन्दै भर्त्सना गरिएको छ । नेपाल समूहले अध्यक्ष ओली आफैं पार्टी विधान विपरित चलेको भन्दै कारबाही नमान्ने बताएको हो ।
प्रतिक्रिया राख्नुहोस्