माओवादी केन्द्रका अध्यक्ष पुष्पकमल दाहाल प्रचण्ड नेतृत्वको सरकारमा सहभागी हुने तयारी गरेको संसदको सबभन्दा ठूलो दल नेपाली कांग्रेसका शेखर समूहको भागमा दुई मन्त्रालय दिइएको छ ।
शुक्रबार मन्त्रिपरिषद्को विस्तारको अन्तिम तयारी हुँदा कांग्रेसको भागमा परेको आठमध्ये शेखर समूहलाई २ मन्त्रालय मात्र दिइएपछि असन्तुष्टि चुलिएको हो । सो समूहले सरकारमा आफ्नो पक्षको सहभागिता सम्मानजनक नभएसम्म मन्त्रीको नाम नदिने बताएको छ ।
कांग्रेस सभापति शेरबहादुर देउवाले शेखर समूहलाई दुई मन्त्रीको नाम दिन भनेपछि शेखर समूहले भने यो प्रस्ताव स्वीकार्य नहुने बताएको छ ।
शुक्रबार बिहान बसेको डा. शेखर कोइराला र उनको समूहका पदाधिकारीहरुको बैठकले सम्मानजनक सहभागिता नभएसम्म मन्त्रीहरुको नाम नदिने निर्णय गरेको छ ।
प्रतिक्रिया राख्नुहोस्