जापानमा एक हाईस्कुले छात्रामाथि यौनजन्य अपराध गरेको अभियोग एक नेपाली युवा पक्राउ परेका छन् । प्रहरीले घटनाको विषयमा थप अनुसन्धान गरिरहेको छ ।
जापानको टोकियोको सिनागावा वार्डको सडकमा हाईस्कुलकी छात्रालाई बोलाएर उनको संवेदनशील अंगहरुमा छुने लगायतका अश्लील कार्य गरेको आरोपमा ती नेपाली पक्राउ परेका हुन् ।
अमृत सापकोटा नाम गरेका नेपाली युवाले गत महिना सिनागावा वार्डको सडकमा हाईस्कुलकी छात्राको संवेदनशील अंग छुने जस्ता अश्लील कार्य गरेको महानगरीय प्रहरी विभागले जनाएको छ ।
सापकोटाले साथीको कोठामा मादक पदार्थ सेवन गरेपछि घर जाने क्रममा बाटोमा रहेकी छात्रालाई बोलाएर नजिकैको पार्किङमा लगेर यौनजन्य क्रियाकलाप गरेको जापानी समाचार संचार माध्यमले जनाएको छ ।
यद्यपि सापकोटाले आरोपको आंशिक खण्डन गर्दै आफूले उक्त कार्य जबर्जस्तीमा नभई सहमतिमा गरेको प्रहरीलाई बताएका छन् ।
प्रतिक्रिया राख्नुहोस्