‘अप्रिल फूल’ हरेक वर्ष अप्रिलको पहिलो मितिमा विश्वभर मनाइन्छ र यस दिन मानिसहरूले आफ्ना प्रियजन वा साथीहरूसँग ठट्टा गर्ने गर्छन् । साथै यस दिन आफ्ना साथीहरूलाई रोचक विचारहरू सहित मूर्ख बनाउछन् र अन्तमा त्यो शरारतलाई अप्रिल फूलको रूपमा प्रकट गर्ने गर्छन् ।
नेपालमा पनि अप्रिल फूल मनाउने प्रचलन छ । यो दिन एकअर्कालाई हानी नपुग्नेगरी रमाइलोका लागि एक छिनलाई मूर्ख बनाएर मनाइन्छ । तपाईंले पनि अप्रिल फूलमा आफ्ना साथीहरू वा प्रियजनहरूलाई धेरै पटक मूर्ख बनाउनुभएको होला वा तपाईं पनि तिनीहरूको मजाकको सिकार भएको हुनुपर्छ, तर के तपाईंलाई थाहा छ अप्रिल फूल कसरी सुरु भयो ?
कसरी सुरु भयो ‘अप्रिल फूल डे’ ?
अप्रिल फूल दिवसको उत्पत्ति अझै रहस्यमा छ, तर इतिहास हेरे हो भने अप्रिल फूल दिवस १५८२ मा युरोपबाट सुरु भएको थियो । जब फ्रान्सले आफ्नो जुलियन क्यालेन्डर (Julian Calendar) लाई परिवर्तन गर्दै ग्रेगोरियन क्यालेन्डर (Gregorian calendar) को सुरुवात गरेको थियो ।
वास्तवमा, हामी अझै पनि ग्रेगोरियन क्यालेन्डर प्रयोग गर्छौं, जसमा नयाँ वर्ष जनवरी १ मा मनाइन्छ । यो क्यालेन्डर पोप ग्रेगरी तेह्रौंले (Pope Gregory XIII) सुरु गरेका थिए । तर यो क्यालेन्डर आउनुअघि नै नयाँ वर्ष अप्रिलको पहिलो दिन मनाउन थालिएको थियो जसको उत्सव मार्च २५ देखि नै सुरु भएको थियो ।
ग्रेगोरियन क्यालेन्डरको आगमन पछि, मानिसहरूले यो परिवर्तनलाई स्वीकार गर्न सकेनन् र तिनीहरूले अप्रिल १ मा मात्र नयाँ वर्ष मनाउन जारी राखे । यो कथा पछि मानिसहरूलाई अप्रिल फूल भन्न थालियो किनभने तिनीहरू जनवरी १ को सट्टा अप्रिल १ मा नयाँ वर्ष मनाउने गर्थे ।
अप्रिल फूल दिवससँग सम्बन्धित रोचक तथ्य
१. अप्रिल फूल दिवस स्कटल्याण्डमा २ दिनसम्म मनाइन्छ।
२. गुगलले अप्रिल १, २००४ मा जीमेल सुरु गर्यो, र यसको सुविधाहरू थाहा पाएपछि, मानिसहरूले यसलाई मजाकको रूपमा सोच्न थाले।
३. फ्रान्स, स्विट्जरल्याण्ड, बेल्जियम र नेदरल्याण्ड जस्ता धेरै देशहरूमा, अप्रिल फूल दिवसलाई अप्रिल फिश डे भनेर चिनिन्छ । यस दिन मानिसहरूले आफ्ना साथीहरूको पछाडि कागजको माछा टाँस्ने मजाक खेल्छन् ।
४. कोरियामा, यो विश्वास गरिन्छ कि शाही कोरियाली परिवारले यस दिन मजाक खेल्न अनुमति दिन्छ ।
५. धेरै देशहरूमा, यो दिन एकअर्कामा पीठो हानेर मनाइन्छ।
प्रतिक्रिया राख्नुहोस्