गत माघमा पहिलोपटक देखिएको बर्डफ्लू मुलुकका १३ जिल्लामा फैलिएपछि कृषि तथा पशुपन्छी विकास मन्त्रालयले उच्च सतर्कता अपनाउन कृषकहरुसँग आग्रह गरेको छ ।
विभागका महानिर्देशक डा. रामनन्दन तिवारीले प्रदेश १, मधेश प्रदेश, बागमती र गण्डकी प्रदेशका गरी १३ जिल्लाहरुमा संक्रमण देखिएको जानकारी दिनुभयो ।
संक्रमण फैलिने अवस्थामा देखिएको छ, संक्रमण देखिएको ठाउँमा परीक्षण, निसंक्रमण र कुखुरा नष्ट गर्ने कार्यलाई तीब्रता दिएका बताउँदै महानिर्देशक तिवारीले बर्डफ्लू नियन्त्रण बाहिर नभए पनि फैलिन नदिन उच्च सावधानी अपनाउनु पर्ने बताउनुभयो ।
विभागले प्रदेश १ का मोरङ, उदयपुर र सुनसरी, मधेश प्रदेशका बारा, पर्सा र धनुषा, बागमती प्रदेशका काठमाडौं, भक्तपुर, ललितपुर, चितवन, मकवानपुर र सिन्धुपाल्चोक एवं गण्डकी प्रदेशको कास्कीमा संक्रमण पुष्टि भएको जनाएको छ ।
प्रतिक्रिया राख्नुहोस्