जन सरोकार
कलाकारको फेसबुक ह्याक गरी रकम माग्ने १४ वर्षे बालक पक्राउ
नेपाली चलचित्रका केही कलाकारहरुको फेसबुक पेज ह्याक गरी उनीहरुका साथीसंग रकम माग गर्ने एकजनालाई पक्राउ गरिएको छ ।
![पक्राउ पक्राउ](https://www.nepaljapan.com/wp-content/uploads/2019/10/arrest-1.jpg)
प्रहरी प्रधान कार्यालय साइबल ब्यूरोले कलाकारहरुको फेसबुक एकाउण्टमा अनधिकृत पहुँच पुर्याई उक्त एकाउण्टमा जोडिएका साथीहरुसंग रकम माग गरेको निवेदनका आधारमा पर्सा बहुदरमाइ नगरपालिका वडा न. ५ बस्ने १४ वर्षीय युवालाई पक्राउ गरिएको हो ।
निजले विद्युतीय कारोबार ऐन २०६३ बमोजिम कसुर गरेको पाइएकाले जिल्ला अदालत काठमाडौंको आदेशले पक्राउ अनुमति लिई अनुसन्धान भैरहेको ब्यूरोका प्रवक्ता एवं सूचना अधिकारी वरिष्ठ प्रहरी उपरीक्षक नवीन्द्र अर्यालले जानकारी दिनुभएको छ ।
प्रतिक्रिया राख्नुहोस्