विश्वव्यापी महामारीका रुपमा फैलिइरहेको कोरोना भाइरस (कोभिड १९)का संक्रमण बढ्दै गएपछि सरकारले आज (अप्रिल ८)देखि घोषणा गरेको संकटकालको पहिलो दिन नै राजधानी टोकियोमा १ सय ४४ जना संक्रमित भेटिएका छन् ।
सरकारले राजधानी टोकियो, ओशाका लगाउत सात प्रान्तमा एक महिनो संकटकाल घोषणा गरेको छ । राजधानी टोकियोमा संक्रमितहरुको संख्या दैनिक रुपमा बढिरहेको छ र आज पुष्टि भएको संख्या एकैदिनमा फेला परेका संक्रमितको सबैभन्दा बढी संख्या हो ।
तीन दिनयता टोकियोमा उकसयभन्दा बढीको सख्यामा नयाँ संक्रमितहरु पुष्टि भैरहेका छन् । आइतबार १ सय ४३ जना संक्रमित भेटिएको थियो त्यो सबैभन्दा उच्च थियो भने बुधबार १ सय ४४ जना पुगेको छ ।
टोकियो महानगरीय प्रशासनका अनुसार बुधबार फेला परेका १ सय ४४ संक्रमितसंगै टोकियोमा संक्रमितहरुको सख्ंया एक हजार ३ सय ३९ पुगेको छ ।
महानगरमा फैलदो कोरोना संक्रमणलाई कम गर्न सरकारले संकटकाल घोषणा गरेको हो । सरकारले मानिसहरु एक आपसमा सम्पर्कमा रहेनन् भने ७० देखि ८० प्रतिशतसम्म संक्रमण दर घटाउन सकिने विश्वास लिएको छ ।
प्रतिक्रिया राख्नुहोस्