तनहुँमा डा. स्वर्णिम वाग्लेको मतान्तर अरु फराकिलो, बारामा उपेन्द्रको सुरुवाती अग्रता
आइतबार सम्पन्न तनहुँ क्षेत्र नं. १ को निर्वाचनको मतगणना जारी छ । पछिल्लो मत परिणाम अनुसार सुरुवातदेखि नै अग्रता लिनुभएका राष्ट्रिय स्वतन्त्र पार्टीका उम्मेदवार डा. स्वर्णिम वाग्लेको फराकिलो अग्रता कायम छ ।
![Bhattarai-Khanal-Wagle](https://www.nepaljapan.com/wp-content/uploads/2023/04/Bhattarai-Khanal-Wagle-e1680428790407.jpeg)
पछिल्लो परिणामा अनुसार डा. वाग्लेले नेपाली कांग्रेसका गोविन्द भट्टराई र नेकपा एमालेका सर्वेन्द्र खनालले प्राप्त गरेको मतभन्दा बढीले अग्रता लिइरहनुभएको छ ।
ताजा स्थितिमा डा. वाग्लेले १५ हजार १ सय ३५ मत पाउनुभएको छ भने कांगेसका भट्टराईले ८ हजार ७ सय ३१ र नेकपा एमालेका खनालले ४ हजार ९ सय ९९ मत पाउनुभएको छ ।
बारा क्षेत्र नं. २ मा मतगणना सुरु भएको छ । मतगणनामा जनता समाजवादी पार्टी (जसपा)का उपेन्द्र यादवले सुरुवाती अग्रता लिनुभएको छ ।
ताजा स्थितिमा यादवले २ सय ३४ मत पाउनुभएको छ भने जनमत पार्टीका शिवचन्द्र कुशवाहले १ सय ८८, नेकपा एमालेका पुरुषोत्तम पौडेलले १ सय ५२ र रास्वपाका रमेश खरेलले ८९ मत पाउनुभएको छ ।
प्रतिक्रिया राख्नुहोस्