मोरङस्थित नेपाल–भारतको सीमाक्षेत्रमा भारतीय सीमा सुरक्षा बल (एसएसी)ले गोली प्रहार गरेका छन् । भारतीय सुरक्षाकर्मीले हवाई फायर गर्दा स्थानीयवा त्रसित भएका छन् । हवाई फायरबाट कुनै मानवीय क्षति भने भएको छैन ।
समाचार अनुसार विराटनगर–१८ इस्लामपुर सीमा सुरक्षामा खटिएका भारतीय एसएसबी टोलीका एक जना जवानले तीन राउण्ड हवाई फायर गरेका हुन् ।
सोमबार २ बजे ड्युटीमा खटिएका जवानले दुई राउण्ड जमिनतर्फ र एक राउन्ड आकाशमा फायर गरेको विराटनगर १८ इस्लामपुरका स्थानीय सुरज मण्डलले जानकारी दिनुभयो ।
स्थानीयका अनुसार ड्युटीमा खटिएका एसएसबीका जवान मदिरा सेवन गरी लठ्ठिएको पाइएको थियो । ‘होहल्ला गरेपछि स्थानीयले एसएसबीको टोलीलाई घेराउ गरेका थिए ।
मोरङका प्रहरी प्रमुख एसपी शान्तिराज कोइरालाले दशगजा क्षेत्रमा गोली चलेको पुष्टि गर्दै भन्नुभयो- “गोली चलेको नेपालतिर होइन भारतीय क्षेत्रमा हो । के विषयमा गोली चलेको हो बुझ्ने काम गरिरहेका छौँ ।”
प्रतिक्रिया राख्नुहोस्