मलेसियाको क्वालालम्पुरमा हुने सेपाकताक्रो विश्वकपमा सहभागी हुने नेपाली टोलीलाई बिदाइ गरिएको छ ।
युवा तथा खेलकुदमन्त्री विराजभक्त श्रेष्ठले नेपाली राष्ट्रिय सेपाकताक्रो टोलीलाई बिहीबार बिदाइ गर्नुभएको हो । उहाँले आत्मविश्वाससहित उच्च प्रदर्शन गर्न आग्रह गर्दै सफलताको शुभकामनासमेत व्यक्त गर्नुभयो ।
रोशन तामाङको कप्तानीमा रहने नेपाली टोलीमा दीपेशजङ थापा, उमेशबहादुर महतो, अनिल जर्घामगर, विजय महतो र पदमबहादुर थाडामगर रहेका छन् ।
त्यस्तै, प्रशिक्षकमा श्यामबहादुर श्रेष्ठ, टिम व्यवस्थापकमा नेत्रप्रसाद गुरुङ र अन्तर्राष्ट्रिय टेक्निकल अफिसरमा नासिर मास्के रहेका छन् । यही जेठ ५ गतेदेखि सुरू हुने विश्वकपमा कूल २१ राष्ट्रको सहभागिता रहनेछ । नेपाल डिभिजन वानमा रहेको छ, जहाँ कूल नौ राष्ट्रबीच प्रतिस्पर्धा हुनेछ । प्रिमियरमा भने १२ राष्ट्र रहेका छन् ।
प्रतिक्रिया राख्नुहोस्