जापान र संयुक्त राज्य अमेरिकाका सरकारी अधिकारीहरूले हाइपरसोनिक मिसाइललाई रोक्ने प्रणाली विकास गर्ने सहमति गरेका छन् ।
हाइपरसोनिक मिसाइलहरू ध्वनीभन्दा ५ गुणा गतिमा, कम उचाइमा र अनियमित मार्गहरूमा उड्न सक्छन्, जसले तिनीहरूलाई पत्ता लगाउन वा गोली हान्न गाह्रो बनाउँछ । रुस र चीनले पहिले नै यस्ता हतियारहरू तैनाथ गरिसकेका छन् भने उत्तर कोरियाले यस्तो हतियारहरूको विकास गरिरहेको छ।
गत वर्ष अगस्टमा भएको शिखर सम्मेलनमा जापान र अमेरिकाले संयुक्त रुपमा हाइपरसोनिक मिसाइललाई रोक्न सक्ने मिसाइल प्रणाली विकास गर्न सहमत भएका थिए ।
बुधबार भएको उक्त सम्झौतामा दुवै पक्षको भूमिका निर्धारण र निर्णय गर्ने प्रक्रिया तय भएको हो । अधिकारीहरू भन्छन् कि जापान प्रोपल्सन उपकरण स्थापनाको लागि जिम्मेवार हुनेछ । यस प्रणालीको विकास आगामी मार्चको अन्त्यबाट सुरु गरी २०३० सम्ममा सम्पन्न गर्ने योजना छ ।
जापानको रक्षा मन्त्रालयले छिमेकी देशहरूले आफ्नो क्षेप्यास्त्र प्रविधिमा सुधार गर्दै जापान-अमेरिका सहकार्यमार्फत आफ्नो क्षेप्यास्त्र विरोधी क्षमतालाई द्रुत गतिमा विस्तार गर्न चाहेको बताएको छ ।
प्रतिक्रिया राख्नुहोस्