राष्ट्रिय स्वतन्त्र पार्टीका सांसद डा. तोसिमा कार्कीले कान्तिपुरका प्रकाशका कैलाश सिरोहियाको गिरफ्तारीपछि भैरहेका टिप्पणीहरुलाई विलेषण गर्दै देश किन बनेन भन्नेमा आफू स्पष्ट भएको टिप्पणी गर्नुभएको छ ।
चिकित्सा क्षेत्र छाडेर समाज सुधार गर्दै देशमा केही गर्ने अठोटका साथ राजनीतिमा होमिनुभएकी डा. कार्कीले सिरोहियाको गिरफ्तारीपछि शोध प्रतिरोध र पक्ष विपक्षको खेलले देश नबनेको बताउनुभएको छ ।
संसददेखि सडकसम्म र संसदीय समितिहरुमा विषयगत रुपमा बुँदाबुँदा केलाएर बहस गर्ने क्षमता राख्ने डा. कार्कीले सामाजिक सञ्जालबाट अहिलेको घटनाक्रमबाट देश नबनेको होइन नबनाइएको स्पष्ट भएको बताउनुभएको हो ।
उहाँ लेख्नुहुन्छ- “जबसम्म नेताहरुका चरित्रमा गुरुत्वाकर्षण झैँ “कुर्स्याकर्षण” हावी भइरहन्छ तब सम्म सरकार, मन्त्री, संसद, सांसद, कर्मचारी यस्तै शोध र प्रतिशोधको खेलमा अभ्यस्त भइरहन्छन्। कोही खेल्ने, कोही खेलाउने, कोही रेफ्री ! अनि कोही हामी जस्ता प्रत्यक्षदर्शी जसलाई मिहिन ढङ्गले हेक्का हुँदैछ देश त्यसै नबनेको होइन नबनाइएको रहेछ। नियतबस् !!”
प्रतिक्रिया राख्नुहोस्