विश्व नै कोरोना भाइरस संक्रमणका कारण लकडाउनमा रहेका बेला ज्याला मजदुरी गर्नेहरुको दैनिकी कष्टकर बनिरहेको भए पनि व्यापारी र उच्च व्यक्तिहरुका लागि भने यो समय जुवातास खेल्ने र रमाइलो गर्ने समय बनेको छ ।
यसै क्रममा काठमाडौंमा उच्च व्यापारिक घरानाका व्यक्तिहरु होटलमा जुवा खेल्दै गरेको अवस्थामा पक्राउ परेका छन् । कमलादीस्थित गगौंर बुटिक होटलमा जुवा खेलिरहेका रामचन्द्र सांघाइ, अशोक अग्रवाल, पुरुषोत्तम अग्रवाल, सुरेश अग्रवाल, गोविन्द अग्रवाल, नन्द शर्मा, विमल खेतान, विमल अबुजा र निक्की जोगाईलाई सोमबार राति प्रहरीले पक्राउ गरेको हो ।
उनीहरुको साथबाट २ लाख ७७ हजार नगद र केही क्वाइनहरु बरामद भएको छ । क्वाइन र चिप्सहरु प्रयोग गरेर उनीहरु क्यासिनो शैलीमा जुवा खेलेको पाइएको प्रहरीले जनाएको छ ।
प्रतिक्रिया राख्नुहोस्