एमाले एकता कायम भए विपक्षी गठबन्धन अलपत्र

नेकपा एमालेको एकता सम्भावना बढ्दै गएपछि नेकपा माओवादी केन्द्रका अध्यक्ष पुष्पकमल दाहाल प्रचण्ड विपक्षी गठबन्धनका नेताहरुसंग छलफलमा जुट्नुभएको छ । एमालेको एकता कायम भए संसद पुनःस्थापना नै भए पनि एमाले र जसपाको एक समूहको नेतृत्वमा बहुमतको सरकार बन्ने भएकाले प्रचण्डमा नयाँ छटपटी सुरु भएको छ ।

आइतबार प्रधानमन्त्री तथा एमाले अध्यक्ष केपी ओलीले माओवादीसंगको एकता अघिकै अवस्थाबाट पार्टी संचालन गर्ने र कारबाही सबै फुकुवा गरेको भन्दै एकताका लागि ६ बुँदे प्रस्ताव गरेपछि सोमबार अध्यक्ष प्रचण्डले एमाले नेता माधवकुमार नेपाल र नेपाली कांग्रेसका सभापति शेरबहादुर देउवासँग भेट गर्नुभएको हो ।

मबार विहान सवा ११ बजे माधवकुमार नेपाललाई उहाँकै निवास कोटेश्वरमा भेट गनुृभएका प्रचण्डले त्यसलगत्तै देउवालाई भेट्न बुढानीलकण्ठ जानुभएको थियो । नेपालसंग प्रचण्डले करिब १० मिनेट र देउवासँग करिब २० मिनेट कुराकानी गरेको अधयक्ष प्रचण्ड निकाट स्रोतको भनाइ छ ।

नेताहरुबीच के विषयमा कुराकानी भयो भन्ने खुलेको छैन । तर समसामयिक राजनीति र सर्वोच्च अदालतमा विचाराधीन संसद विघटनको मुद्दाबारे छलफल गरेको बताइन्छ ।