सरकारले लकडाउन खुकुलो पारेर आवत जावत तथा पसलहरु खुला गर्ने निर्णय गरेसंगै देशभर कोरोना संक्रमितको संख्या दैनिक रुपमा बढेको बढ्यै छ । बिहिबार देशभर छ सय ७१ जना संक्रमित थपिएका छन् भने काठमाडौं उपत्यकामा ६ जनामा कोरोना संक्रमण देखिएको छ ।
स्वास्थ्य तथा जनसंख्या मन्त्रालयका प्रवक्ता जागेश्वर गौतम बिहिबार नियमित पत्रकार सम्मेलनमा दिएको जानकारी अनुसार देशका विभिन्न प्रयोगशालामा गरिएको परीक्षणमा पछिल्लो २४ घण्टामा ६ सय ७१ संक्रमित थपिएका हुन् ।
राजधानी उपत्यकामा भक्तपुरमा ३ जना, काठमाडौंमा २ जना र ललितपुरमा १ जनामा कोरोना संक्रमण देखिएको हो । यससँगै संक्रमितको संख्या ७ हजार ८ सय ४८ पुगेको छ ।
कुल संक्रमितमध्ये २२ जनाको मृत्यु भएको छ भने १ हजार १ सय ८६ जना डिस्चार्ज भएका छन् । पछिल्लो २४ घण्टामा १९ जना पुरुष कोरोनामुक्त भएका छन् ।
प्रतिक्रिया राख्नुहोस्