नेपालमा कोरोना भाइरस ओमिक्रोनको नयाँ भेरियन्ट बीए ५ को संक्रमण फैलिएको र नेपालमा चौथो लहर सुरु भएको पुष्टि भएसंगै दैनिक सङ्क्रमितको संख्या बढ्दै गएको छ ।
यसै क्रममाा बिहिबार ४ सय ३५ जनामा कोरोना भाइरस सङ्क्रमण पुष्टि भएको स्वास्थ्य तथा जनसङ्ख्या मन्त्रालयले जनाएको छ । मन्त्रालयका अनुसार तीन हजार ५६९ जनामा गरिएको परीक्षणमा आज देशभर सो सङ्ख्यामा सङ्क्रमण पुष्टि भएको हो ।
हाल सक्रिय सङ्क्रमितको सङ्ख्या दुई हजार ५३७ रहेका छन् । विगत २४ घण्टामा ५६ जना सङ्क्रमणमुक्त भएका छन् । काठमाडौँ जिल्लामा ५०० बढी सङ्क्रमित रहेको पाइएको मन्त्रालयले जनाएको छ । आठ जिल्लामा शून्य सङ्क्रमित रहेका छन् ।
हाल होम आइसोलेशनमा दुई हजार ३९६, संस्थागत आइसोलेशनमा १४१ र सघन उपचार कक्ष ९आइसियु०मा १९ जना उपचार भइरहेको छ ।
प्रतिक्रिया राख्नुहोस्