काठमाडौंमा फैलदो कोरोना संक्रमणले महानगरीय ट्राफिक प्रहरी महाशाखा रामशाहपथलाई पनि जकडेको छ । शुक्रबार महाशाखाका दुई जनालाई कोरोना संक्रमण पुष्टि भएपछि कार्यालय सिल गरिएको छ भने एसएसपी भिमप्रसाद ढकालसहित ३७५ जनालाई क्वारेन्टिनमा राखिएको छ ।
महानगरीय ट्राफिक प्रहरी महाशाखा प्रमुख ढकालले संक्रमण पुष्टि भएकाहरु अस्पतालमा पठाइएको छ भने आफूसमेत ३ सय ७५ जना ब्यारेक–ब्यारेकमै रहेको र महाशाखामा पूर्ण लकडाउनको अवस्था रहेको जानकारी दिनुभएको छ ।
महाशाखा मातहत ट्राफिक प्रहरीको जनशक्ति १५ सय ४५ जना छ । ३७५ जना क्वारेन्टिनमा गएपछि १ हजार १ सय ७० जना जनशक्ति ट्राफिक व्यवस्थापनका लागि खटाइएको छ ।
प्रतिक्रिया राख्नुहोस्