विश्व समाचार

अमेरिकी ड्रोन हमलाबाट अल कायदाका नेता अयमान अल जवाहिरीको मृत्यु

अल कायदाका नेता अयमान अल जवाहिरीको अमेरिकी ड्रोन हमलामा परी मृत्यु भएको छ । अमेरिकी राष्ट्रपति जो बाइडनले अल जवाहिरी अफगानिस्तानमा मारिएको पुष्टि गर्नुभएको छ ।

अमेरिकी गुप्तचर संस्था सीआईएको प्रतिआतङ्कवाद कारबाहीमा आइतवार अफगान राजधानी काबुलमा उनी मारिएपछि राष्ट्रपति बाइडनले जवाहिरीले अमेरिकी नागरिकहरू विरुद्ध हत्या र हिंसाको गोरेटो कोरेको आरोप लगाउँदै उनको हत्यापछि न्याय मिलेको बताउनुभएको छ ।

अधिकारीहरूका अनुसार सुरक्षित घरको कौसीमा बसिरहेका जवाहिरीमाथि ड्रोनले दुई वटा क्षेप्यास्त्र प्रहार गरेको थियो ।क्षेप्यास्त्र आनक्रमणबाट उनको परिवारका अन्य सदस्यहरू सँगै भए पनि उनीहरूलाई कुनै क्षति नपुगेको र जवाहिरीमात्रै मारिएको उनीहरूले बताएका छन्।

सन् २०११ मा ओसामा बिन लादेन मारिएपछि जवाहिरीले अल कायदाको नेतृत्व लिएका थिए । सेप्टेम्बर ११ मा अमेरिकाका विभिन्न ठाउँमा भएको हमलाको योजना बिन(लादेन र उनले संयुक्त रूपमा बनाएका थिए। उनी अमेरिकाको मस्ट वण्टेू आतङ्कवादी खोजी सूचीमा थिए।

प्रतिक्रिया राख्नुहोस्

सम्बन्धित खबर

Back to top button