भारत सरकारले भुक्तानी लिएर पनि कोरोना बिरुद्धको खोप (कोभिसिल्ड) उपलब्ध नगराएपछि पहिलो मात्रा लगाएर बसेका दशौं लाख ज्येष्ठ नागरिक लगायत अन्यलाई भूटान र जापानबाट अनुदानमा सोही अनुसारको खोप प्राप्त भएपछि आजबाट दोस्रो मात्रा लगाउन सुरु गरिएको छ ।
जापान र भूटानबाट कोभिसिल्डकै फर्मुलाको अस्ट्राजेनिकाको खोप अनुदानमा दिएपछि पहिलो मात्रा लगाएको झण्डै ६ महिनापछि दोस्रो खोप लगाउन पाएका ज्येष्ठ नागरिकहरुको खोप केन्द्रमा ठूलो भीड छ । आजबाट कोभिसिल्ड खोप लगाएका ज्येष्ठ नागरिक लगायतका व्यक्तिलाई दोस्रो मात्रा खोप दिन लागिएको हो ।
स्वास्थ्य सेवा विभाग परिवार कल्याण महाशाखा खोप महाशाखाका प्रमुख डा. झलक गौतले भुटानबाट खोप आइसकेकोले उक्त खोप कोभिसिल्डको पहिलो मात्रा लगाएर बसेकालाई खोप दिन लागिएको जानकारी दिनुभयो ।
कोभिसिल्डको पहिलो मात्रा लगाएर बसेका ज्येष्ठ नागरिकलाई दिइने भएको छ । काठमाडौँ स्वास्थ्य कार्यालयका प्रमुख बद्रीबहादुर खड्काले काठमाडौँ जिल्लामा पनि कोभिसिल्ड खोप लगाइसकेका नागरिकका लागि दोस्रो मात्रा खोप लगाइने जानकारी दिनुभयो ।
उहाँले काठमाडौँमा १४४ खोप केन्द्रमार्फत कोभिसिल्डको पर्खाइमा रहेका ज्येष्ठ नागरिकलाई खोप लगाइने बताउनुभयो ।
प्रतिक्रिया राख्नुहोस्