नेपाली राष्ट्रिय क्रिकेट टोलीका पूर्व कप्तान पारस खड्काले नेपाली क्रिकेट विकासका लागि लगातार प्रशिक्षक परिवर्तन भैरहनु ठूलो बाधका रुपमा रहेको टिप्पणी गर्नुभएको छ ।
नेपाली क्रिकेट प्रशिक्षकका रुपमा मनोज प्रभाकरलाई एक वर्षसम्मका लागि मात्र नियुक्ति दिएर गल्ती गरेको बताउँदै जति लामो समय एकै प्रशिक्षक हुनुपर्ने सुझाव समेत दिनुभएको छ ।
नेपाली क्रिकेटका सबैभन्दा सफल कप्तान र अलराउण्डर खड्काले विगतममा नेपाली क्रिकेटले पाएको सफलता लामो समयसम्म एकै प्रशिक्षकको प्रशिक्षण हुनु रहेको जनाउँदै यस विषयमा नेपाल क्रिकेट संघ (क्यान) चनाखो हुनुपर्ने बताउनुभएको छ ।
खड्काले भन्नुभएको छ- “नेपाली क्रिकेट इतिहासमा जति पनि प्रशिक्षकले लामो अवधि जिम्मेवारी पाउनुभएको छ, त्यही समयमा टिमले ठूलो सफलता पाएको छ ।”
खड्काले क्यानले प्रशिक्षक नियुक्ति सम्झौतालाई बलियो बनाउनुपर्ने सुझाव दिंदै कुनै पनि प्रशिक्षकले विश्वसनीय व्यक्तिगत आधार नभई बीचैमा छाड्ने प्रवृत्ति रोक्नुपर्छ ।
नेपाली क्रिकेटको सबैभन्दा सफल टोलीको नेतृत्व पारसले गर्दा टीमका प्रशिक्षकका रुपमा रोक लुक डायसले लामो समय प्रशिक्षण दिनुभएको थियो भने नेपाललाई टी २० विश्वकपसम्म पुर्याउने श्रेय पुदुवु दसानायकेलाई जान्छ ।
यी दुई प्रशिक्षककै मेहेनतले नेपाल लिग ५ देखि लगातार उपाधि जित्दै विश्वकप समेत खेल्न सफल भयो भने अहिले एक दिवसीय मान्यता समेत पाएको छ ।
प्रतिक्रिया राख्नुहोस्