राजनीति
राष्ट्रपतिबाट नागरिकता विधेयक फिर्ता
राष्ट्रपति विद्यादेवी भण्डारीले प्रतिनिधिसभा र राष्ट्रियसभाबाट पारित भएर लालमोहरका लागि पेश भएको नागरिकता ऐन फिर्ता गर्नुभएको छ । ऐनका कतिपय प्रावधान गलत भएको भन्दै बिरोध भैरहेका बेला राष्ट्रपतिबाट फिर्ता भएको हो ।
![President Bhandari](https://www.nepaljapan.com/wp-content/uploads/2022/06/President-Bhandari-3-e1656253698620.jpg)
आइतबार राष्ट्रपति भण्डारीले नेपालको संविधानबमोजिम नागरिकता प्राप्ति सम्बन्धी विषयमा सङ्घीय संसदबाट पुनर्विचार हुन आवश्यक देखिएको जनाउँदै विधेयक प्रतिनिधिसभामा फिर्ता पठाउनुभएको छ ।
राष्ट्रपतिको कार्यालयका प्रवक्ता सागर आचार्यले आज जारी गर्नुभएको विज्ञप्तिमा प्रतिनिधिसभाका सभामुखबाट प्रमाणित भई नेपालको संविधानको धारा ११३ को उपधारा (२) बमोजिम प्रमाणीकरणका लागि पेश हुन आएको नेपालको संविधानको धारा ११३ को उपधारा (३) बमोजिम सन्देशसहित यो विधेयक फिर्ता पठाउनुभएको जनाइएको छ ।
प्रतिक्रिया राख्नुहोस्