स्वास्थ्यका कारण प्रधानमन्त्री शिन्जो आबेले पदबाट राजीनामा दिने घोषणा गरेपछि जापानको सत्तारुढ दल लिबरल डेमोक्रेटिक पार्टी (एलडीपी) मुलुकको भावी प्रधानमन्त्री चयनमा जुटेको छ । भावी प्रधानमन्त्रीका लागि पार्टीका नेता, वहावलावा मन्त्रीसहित आधा दर्जनले उम्मेदवार बन्ने चाहना देखाएको एनएचकेको समाचारमा जनाइएको छ ।
आगामी मंगलबार हुने एलडीपीको महासमिति बैठकमा आधिकारिक रुपमा भावी नेताको चयन गर्ने विषयमा निर्णय हुनेछ । सोही निर्णय अनुसार पार्टी नेता पदका लागि कहिले र कसरी चुनाव गर्ने भन्ने पनि निर्णय हुनेछ ।
पार्टीका नीति प्रमुख फुमिओ किशिदाले भावी नेताको पदभार लिने चाहना व्यक्त गर्नुभएको छ । उहाँले शुक्रबार पार्टीको आगामी नेताका लागि उम्मेदवारी दिन आफू दृढ रहेको बताउनुभयो । उता एलडीपीका पूर्व महासचिव शिगेरु इशिबाले यदि किशिदाले २० सांसदको अनिवार्य भोट प्राप्त गरेमा उहाँ चुनावमा भाग लिन सक्नुहुनेछ ।
त्यसै गरी पूर्व आन्तरिक मामिला मन्त्री सेइको नोदा र रक्षामन्त्री कोनो तारोले पनि चुनावमा भाग लिने चाहना व्यक्त गर्नुभएको छ भने विदेशमन्त्री तोशिमित्सु मोतेगी तथा एलडीपीको चुनाव रणनीति प्रमुख हाकुबुन शिमोमुराले पनि पार्टीका आफ्ना सहयोगीसंग चुनावी मैदानमा खडा हुने विषयमा छलफल गर्ने बताउनुभएको छ ।
त्यसै गरी मन्त्रिपरिषदका मुख्य सचिव योशिहिदे सुगाले पनि उम्मेदवारी दिनसक्ने सम्भावना पार्टीका केही सदस्यहरुले बताएका छन् ।
