संविधान दिवसको अवसरमा एमालेको पदयात्रा (फोटोहरुसहित)
नेकपा (एमाले)ले संविधान दिवसको अवसरमा पार्टी अध्यक्ष केपी शर्मा ओलीको नेतृत्वमा असोज १ गते शनिबार विहान पदयात्रा (वाकथन) गरेको छ ।
![KP Oli Walk](https://www.nepaljapan.com/wp-content/uploads/2022/09/KP-Oli-Walk-e1663392816394.jpg)
बानेश्वर, मैतीदेवी, लैनचौर, कालीमाटी र ललितपुरको कुपण्डोलबाट निस्केको पदयात्रा वसन्तपुर पुगेको थियो । पदयात्रामा वरिष्ठ उपाध्यक्ष ईश्वर पोखरेल, महासचिव शङ्कर पोखरेललगायत शीर्ष नेताको सहभागिता थियो ।
पदयात्रामा नेता तथा कार्यकर्ताले नेपाली झण्डा लिएका थिए । संविधानसभाबाट पाएको संविधानको रक्षा गर्नका लागि पदयात्रा गरिएको एमाले प्रचार विभाग उपप्रमुख विष्णु रिजालले जानकारी दिनुभयो ।
पदयात्रामा एमाले नेता तथा कार्यकर्ता, पार्टीका जनवर्गीय सङ्गठन र एमालेप्रति शुभेच्छा राख्ने जनसमुदायको सहभागिता थियो ।
यही असोज ३ गते को संविधान दिवसलाई राष्ट्रव्यापी रुपमा मनाउने र त्यसकै सन्देश दिनलाई काठमाडौं उपत्यकामा पदयात्रा गरिएको एमालेले जनाएको छ ।
प्रतिक्रिया राख्नुहोस्