त्रिभुवन विमानस्थल वरपर चङ्गा उडाए कारबाही हुने
दशैँ नजिकिएसँगै अहिले काठमाडौँका विभिन्न स्थानमा चङ्गा उडाउने कार्य तीव्ररुपमा चलिरहेको छ । यसबीच त्रिभुवन अन्तर्राष्ट्रिय विमानस्थल वरपर भने चङ्गा नउडाउन सचेत पारिएको छ ।
![Kite](https://www.nepaljapan.com/wp-content/uploads/2022/09/Kite.jpg)
नेपाल नागरिक उड्डयन प्राधिकरण (क्यान) ले एक सूचना प्रकाशित गरी विमानस्थल वरपर चङ्गा उडाउँदा हवाई उडानमा खतरा हुने भन्दै सो कार्य तत्काल रोक्न आग्रह गर्दै चङ्गा उडाउनेलाई कारबाही गर्ने जनाएको हो ।
विमानस्थलमा जहाज उडान तथा अवतरणको समयमा विमानस्थलको आसपासको क्षेत्रमा चङ्गा उडाउँदा विमानको उडान सुरक्षामा गम्भीर असर पर्नसक्ने भएको हुँदा यस किसिमको गतिविधि एवं क्रियाकलाप नगर्न्नगराउन हुन सम्बन्धित सबैमा प्राधिकरणले प्रकाशित गरेको सूचनामा जनाइएको छ ।
यदि कसैले उक्त सूचनाको अवज्ञा वा अटेर गरी चङ्गा उडाउने कार्य वा गतिविधि गरे तथा गराएको पाइएमा प्रचलित कानुनबमोजिम कडा कारबाही हुनेसमेत प्राधिकरणले चेतावनी दिएको छ ।
प्रतिक्रिया राख्नुहोस्