बुधबार देशभर थप १ हजार ५५४ जना कोरोनाका संक्रमित थपिएका छन् । यसमध्ये काठमाडौं उपत्यकामा मात्रै ९ सय २ जना रहेका छन् । त्यसमध्ये काठमाडौंका ६ सय ९७ जना, भक्तपुरको ९३ जना र ललितपुरका १ सय १२ जना छन् ।
त्यस्तै पछिल्लो २४ घण्टामा मृतक ७ जनामा कोरोना पुष्टि भएको छ । यीसहित हालसम्म मृतक ४९८ जनामा कोरोना पुष्टि भएको छ ।
स्वास्थ्य तथा जनसंख्या मन्त्रालयका प्रवक्ता डा जागेश्वर गौतमका अनुसार पछिल्लो २४ घण्टामा सो संख्याका संक्रमित थपिएका हुन् । यीसहित हालसम्म देशभर संक्रमित हुनेको संख्या ७७ हजार ८१७ पुगेको छ ।
यस अवधिमा १ हजार ५७ जना कोरोनाबाट निको भएका छन् । यीसहित हालसम्म देशभर ५६ हजार ४२८ जना कोरोनाबाट निको भएको मन्त्रालयले जनाएको छ । अहिले देशभर सक्रिय संक्रमितको संख्या २० हजार ८९१ रहेको मन्त्रालयले जनाएको छ ।
देशमा कोरोना संक्रमितको संख्या दैनिक बढिरहेको छ । लकडाउन वा निषेधाज्ञा लगभग हटिसकेको अवस्थामा पर्याप्त स्वास्थ्य सुरक्षा नअपनाइँदा संक्रमणको पारो दैनिक चुलिंदो अवस्थामा पुगेको छ ।
प्रतिक्रिया राख्नुहोस्