गृहमन्त्री रामबहादुर थापा बादलले नेपालमा बलात्कारको आँकडा विश्वका धनी र शक्तिशाली मुलुकहरुकोभन्दा अत्यन्त न्यून रहेको दावी गरिरहँदा नाबालिक छोरी आफ्नै बाबुबाटै छोरी बलात्कृत भएको समाचार बाहिरिएको छ ।
समाचार अनुसार डोटीको जोरायल गाउँपालिका–५ फलेदा गाउँका अन्दाजी ३६ वर्षीय डम्बरबहादुर विकलाई प्रहरीले बिहिबार पक्राउ गरेको छ ।
आफ्नै १२ वर्षीया छोरी बलात्कार गरेको आरोपमा निजलाई प्रहरीले पक्राउ गरेको हो । अभियुक्त विकलाई प्रहरीले अनुसन्धानका लागि जिल्ला प्रहरी कार्यालयको हिरासतमा राखेको बताइएको छ ।
घरमा आफू नभएका समयमा छोरीलाई बलात्कार गरेको भन्ने बालिकाकी आमाको उजूरीका आधारमा उनलाई पक्राउ गरिएको जानकारी जिल्ला प्रहरी कार्यालयका सूचना अधिकारी इन्द्रबहादुर मल्लले दिनुभयो ।
प्रतिक्रिया राख्नुहोस्