विश्व समाचार

मानसिक स्वास्थ्यलाई प्राथमिकतामा राख्न आग्रह

संयुक्त राष्ट्रसङ्घीय महासचिव एन्टोनियो गुटरेसले मानसिक स्वास्थ्यलाई विश्वव्यापी प्राथमिकतामा विषय बनाउन आग्रह गर्नुभएको छ ।

उहाँले मानसिक स्वास्थ्यको उपचार एवम यसको रोकथामका लागि आवश्यक कार्यक्रमहरु निर्माण गरी प्राथमिकताका साथ काम गर्न संयुक्त राष्ट्रसङ्घका सबै सदस्य राष्ट्रहरुलाई आग्रह गर्नुभएको हो ।

अक्टोबर १० मा मनाइने विश्व मानसिक स्वास्थ्य दिवसका अवसरमा उहाँले सो सन्देश दिनुभएको हो । उहाँले विश्वमा हाल मानसिक स्वास्थ्यको समस्या दिन प्रतिदिन बढ्दै गएको अवस्थामा यसको रोकथम तथा नियन्त्रणका लागि प्राथमिकता भने कमै मात्र निर्धारण हुने गरेको बताउनुभयो ।

एक तथ्याङ्कअनुसार हाल विश्वमा करिब एक अर्ब मानिस कुनै न कुनै प्रकारको मानसिक स्वास्थ्यको समस्यामा बाँचिरहेको बताइएको छ । विश्वमा मानसिक रोग भएका व्यक्तिहरुको सङ्ख्या बढ्दै गएपनि उनीहरुका समस्या बुझ्ने र उपचार गर्ने मानिसहरुको भने पर्याप्त उपलब्धता नरहेको पाइएको छ ।

संयुक्त राष्ट्रसङ्घकै एक तथ्याङ्कअनुसार हाल विश्वका कतिपय देशमा त मानसिक रोग भएका व्यक्तिहरुको उपचार तथा परामर्शका लागि प्रति एक लाख दुई जनामात्र चिकित्सक एवं स्वास्थ्यकर्मी उपलब्ध भएका देखिएका छन् ।

त्यसैले यसको उपचारका लागि आवश्यक जनशक्ति र पूर्वाधारको विकासका क्षेत्रमा आवश्यक कार्ययोजना बनाएर अघि बढ्न संयुक्त राष्ट्रसङ्घीय महासचिव गुटरेसले विश्वका देशहरुलाई आग्रह गर्नुभएको छ ।

प्रतिक्रिया राख्नुहोस्

सम्बन्धित खबर

Back to top button

Adblock Detected

Please turn off the Ad Blocker go get the website work properly.