सन् २०२६ मा भारत र श्रीलंकामा आयोजना हुने आइसिसी टी-२० विश्वकपको एसिया र इस्ट एसिया प्यासिफिक छनोट अन्तर्गत सुपर सिक्समा नेपालले संयुक्त अरब इमिरेट्स (यूएई) सामू जितको लागि १ सय ४१ रनको लक्ष्य प्रस्तुत गरेको छ ।
ओमानको अल अमेरतस्थित ओमान क्रिकेट एकेडेमी टर्फ-१ मा टस जितेर पहिले ब्याटिंङ गरेको नेपालले निर्धारित २० ओभरमा ६ विकेट गुमाउँदै १ सय ४० रन बनायो ।
नेपालको लागि आसिफ शेखले ४७ बलमा ४ चौका र एक छक्काको मद्दतमा ५१ रनको अर्धष्टकीया पारी खेले भने कुशल भुर्तेलले २८ रन बनाए । त्यस्तै कप्तान रोहित पौडेले २० रन जोड्दा गुल्शन झाले १४, कुशल मल्लले १० तथा सोमपाल कामी र सन्दीप जोरा क्रमश: ६ र ४ रनमा अविजित रहे । ।
यूएईका लागि जुनेद सिद्दिकी, मुहम्मद रोहिद, जाहिद अली, ध्रुव पराशर, हर्षित कौशिक र हैदर अलीले समान एक-एक विकेट लिए ।नेपालले समूह चरणमा नेपालले कुवेत र जापानलाई पराजित गर्दै समूह ‘बी’ को विजेताका रूपमा सुपर सिक्समा पुगेको हो ।
नेपाल दुई अंकका साथ सुपर सिक्समा प्रवेश गरेको छ । आज यूएईलाई पराजित गर्दै नेपाल विश्वकपमा पुग्ने सम्भावनालाई बलियो बनाउने योजनाका साथ मैदान उत्रदैछ भने यता यूएई पनि नेपाललाई पराजित गर्ने सुरमा रहेको छ ।
यूएई पनि समूह चरणमा कतार र मलेसियालै पराजित गदै समूह ‘ए’ को विजेताका रूपमा सुपर सिक्समा पुगेको हो । टी -२० अन्तर्राष्ट्रियमा हालसम्म यी दुईबीच १० खेल हुँदा दुवै टोलीले समान पाँच-पाँच खेल जितेका छन् ।
आज सुपर सिक्समा पहिलो खेल खेल्न लागेको नेपालले दोस्रो खेल कतारसँग २७ असोजमा, तेस्रो खेल २९ असोजमा घरेलु टोली ओमानसँग र अन्तिम खेल सामोआसँग ३१ असोजमा खेल्नेछ ।
प्रतिक्रिया राख्नुहोस्