नेपालको इतिहास र संस्कृतिका ज्ञाता शताब्दीपुरुष संस्कृतिविद् सत्यमोहन जोशीको निधन भएको छ । ग्वार्कोस्थित किस्ट मेडिकल कलेज तथा शिक्षण अस्पतालमा उपचाररत जोशीको आइतबार बिहान १०३ वर्षको उमेरमा निधन भएको हो ।
यही असोज ७ गतेदेखि अस्पालमा भर्ना भएर उपचाररत जोशीको स्वास्थ्यमा थप प्रतिकूलता देखिएपछि सघन उपचार कक्ष (आईसीयू)मा राखेर उपचार भैरहेको थियो ।
पछिल्लो पटक डेंगीको संक्रमणका सथै पिसाबमा पनि संक्रमण देखिएका कारण अस्पताल भर्ना गरिएको थियो । उहाँ मुटु र फोक्सो पनि दीर्घरोगी हुनुहुन्थ्यो ।
जहानियाँ राणा शासनदेखि २००७ सालमा आएको प्रजातन्त्रसम्म र २०१७ देखि सुरु भएको पञ्चायतदेखि २०४६ मा आएको प्रजातन्त्रसम्मका सबै उथलपुथलपूर्ण इतिहासका साक्षी रहनुभएका जोशी नेपाली र नेवारी भाषाका नाटककार र त्यसमा अभिनय गरेका कलाकार पनि हुनुहुन्थ्यो ।
प्रतिक्रिया राख्नुहोस्