डेंगु संक्रमणपछि भट्टराई अस्पताल भर्ना, सिसियू कक्षमा उपचार
आगामी मंसिर ४ गते हुने प्रतिनिधिसभा सदस्य निर्वाचनमा कास्की क्षेत्र नं. २ का लागि उम्मेदवार विद्या भट्टराई डेंगु संक्रमणका कारण अस्पताल भर्ना हुनुभएको छ ।
![Bidhya Bhattarai](https://www.nepaljapan.com/wp-content/uploads/2022/07/Bidhya-Bhattarai.jpg)
आफू अस्वस्थ भएर पोखरास्थित मणिपाल शिक्षण अस्पतालमा सिसियू कक्षमा उपचार भैरहेको उहाँले सामाजिक सञ्जालबाट जानकारी दिनुभएको छ ।
केही दिनदेखि डेंगु संक्रमण भएर अस्वस्थ हुनुभएकी भट्टराईको उपचारमा संलग्न चिकित्सकका अनुसार उहाँको अवस्था सुधारोन्मूख रहेको छ । डा. सिपी आचार्य र उहाँको टिमले भट्टराईको उपचार गरिरहनु भएको छ ।
निर्वाचन प्रचारका लागि घरदैलो गर्ने अभियानको यो समयमा अस्वस्थ भएर अस्पताल भर्ना हुनुभएकी भट्टराईले भेट्घाटमा केही असुविधा रहेको र स्वास्थ्यमा सुधार हुनासाथ आफ्ने सक्रियता जारी राख्ने बताउनुभएको छ ।
सोही क्षेत्रको निवर्तमान सांसद समेत रहनुभएकी भट्टराईले आफ्नो स्वास्थ्य अवस्थाप्रति चासो दिने सबैमा आभार व्यक्त गर्नुभएको छ ।
प्रतिक्रिया राख्नुहोस्