विश्वको तेस्रो ठूलो आर्थिक राष्ट्र, विकास निर्माणले सम्पन्न, अवसरहरुको अथाह स्रोत, शिक्षा, स्वास्थ्य, भौतिक सुविधा हरेक दृष्टिले सम्पन्न मुलुक जापानमा नेपालीहको संख्या उल्लेख्य रुपमा बढ्दै गएको छ ।
जापानमा नेपालीहरुको प्रवेशको इतिहास भने शताब्दी लामो छ । राणाकालमै नेपालबाट केही युवाहरु अध्ययनका लागि समुद्रको बाटो हुँदै जापान पुगेका थिए ।
हालका दिनमा जापानमा अध्ययनका लागि जाने नेपालीहरुको संख्या ठूलो छ । वार्षिक रुपमा हजारौं नेपाली अध्ययनका लागि पुग्छन् भने रोजगारीका लागि जानेको संख्या पनि ठूलै छ ।
जापानमा नेपालीहरुका उपस्थिति निकै बाक्लो छ । त्यहाँ बस्ने आप्रवासीहरुमध्ये नेपालीको स्थान दोस्रो रहेको छ । नेपालीहरु जापानमा अध्ययन, व्यापार व्यवसाय तथा रोजगारीमा जमेर बसेका छन् ।
धार्मिक र सांस्कृतिक रुपमा केही समानता भएका, राजनीतिक रुपमा सहिष्णु जापान नेपालको विकासको प्रमुख साझेदार मुलुक पर्दछ । बौद्ध धर्मावलम्बी मुलुक जापानले नेपालको विकासमा ठूलो सहयोग गर्दैआएको छ ।
जापानमा एक सवा लाखभन्दा बढी नेपालीको बसोबास रहेको छ । एक तथ्यांक अनुसार सन् २०२२ को जुन महिनासम्म १ लाख २५ हजार ७ सय ९८ नेपाली रहेका छन् ।
प्रतिक्रिया राख्नुहोस्