कोरोना भाइरस (कोभिड १९) को महामारीका कारण रोजगारी गुमाएका नेपालीहरुका लागि गैरआवासीय नेपाली संघ (एनआरएनए) क्युस्यु क्षेत्रीय कार्यसमितिले स्युस्योकु अर्थात् ‘जब सेमिनार’ आयोजना गर्ने भएको छ ।
नाभेम्बर २१ तारिख विहान ११ बजेदेखि दिउँसो ४ बजेसम्म मिनामी सिमिन सेन्टरमा आयोजना हुने सेमिनार काम नपाइ समस्यमा परेका नेपाली बिद्यार्थीहरुलाई लक्षित गरी आयोजना गरिएको एनआरएनए क्युस्यु का संयोजक देवराज उप्रेतीले बताउनुभएको छ ।
उक्त कार्यक्रममा जापानको विभिन्न क्षेत्रमा अवस्थित कम्पनीहरुको सहभागिता रहने बताएको छ । सहभागीलाइ सम्बन्धित कम्पनीकाबारे जानकारी दिनुकासाथै तुरुन्त आवेदनको पनि गर्न सकिने व्यवस्था गरिएको छ ।
कोरोनाका कारण जापानमा कामदार भिसा सम्बन्धी विभिन्न समस्याहरु देखिएको हुँदा एनआरएनए क्युस्युले जब सेमिनारका साथ तोकुतेइ गिनोउ भिसा सम्बन्धी सूचनामुलक जानकारी र पछिल्लो समय जापान सरकारको भिसा परिवर्तन सम्बन्धी कानुनी प्राबधानबारे परामर्श समेत गर्न लागेको छ ।
एनआरएनए क्युस्यु क्षेत्रीय कार्यसमितिको बैठकले कार्यसमिति सदस्य केसब कुमार लामिछानेको संयोजकत्वमा स्युस्योकु सेमिनार समिति गठन गरी तयारी गरिरहेको छ ।
कोरोना भाइरस संक्रमण बाट बच्न सामाजिक दुरी कायम देखि सेनिताइजर ,मास्कको प्रयोग, ज्वरो जाँच आदिबारे तयारी समेत गरिरहेको छ । अनलाइन फारमको ब्यबस्था गरी उक्त फारम सहभगी ले अनिवार्य भर्न समेत अनुरोध गरेको छ ।
कोभिड १९ को कारण यस फारम भर्नुभएका पहिलो ६० जना मात्र सहभागी हुन पाउने बताइएको छ । फारम भरेका पहिलो ६० जनालाई सम्पर्क गरेर मात्र सहभागी हुन पाउने ब्यबस्था गरिएको हसँ सहभागी हुन इच्छुकहरुले अनिवार्य यो फारम भर्न अनुरोध गरिएको छ ।
सेमिनार सम्बन्धी थप जानकारी चाहिएमा निम्नानुसारको नम्बरहरुमा सम्पर्क गर्न आयोजकले अनुरोध गरेको छ ।
देबराज उप्रेती : 080-4287-1414
अर्जुन थापा : 090-8407-1403
केशब लामिछाने : 070-2396-2383
इमेल : nrnakyushu2019@gmail.com
प्रतिक्रिया राख्नुहोस्