सबैभन्दा बढी नेपाली युवा वैदेशिक रोजगारीका लागि जाने मुलुक मलेसियामा रहेका अवैधानिक हैसियतका विदेशी कामदारले वैधानिक हैसियतमा अर्को कम्पनीमा काम गर्न पाउने नीति मलेसिया सरकारले नयाँ नीति ल्याएको छ । यो नीतिबाट त्यहाँ अवैध रुपमा बसिरहेका झण्डै ५० हजार नेपाली लाभान्वित हुनेछन ।
समाचार अनुसार मलेसिया सरकारले सुरुमा गएको कम्पनी छाडेर गैरकानुनी रूपमा बसेका भिसाविहीन श्रमिकले नयाँ कम्पनीमा वैधानिक हैसियतमा काम गर्न पाउने नीति ल्याएको छ । आउँदो डिसेम्बरसम्म भिसाविहीन हुने श्रमिकले पनि अर्को कम्पनीमा काम गर्न पाउनेछन् । श्रमिकको अभाव भएपछि मलेसिया सरकारले ‘रि–हाइरिङ’ कार्यक्रम ल्याएको हो ।
मलेसियास्थित नेपाली श्रमसहचारी प्रकाश पन्थीका अनुसार जो इलिगल भएर बसेका छन्, उनीहरूको हकमा एउटा सुनौलो अवसर हो ।र रि–हाइरिङका लागि अध्यागमन कार्यालयमा बुझाइने २ हजार रिंगेट (५८ हजार रुपैयाँ) रोजगारदाताले व्यहोर्नपर्नेछ ।
मलेसियाले नोभेम्बर १ देखि रि–हाइरिङ कार्यक्रम लागू गरेको हो । यसमा करार अवधि समाप्त भएका श्रमिक मात्रै नभई गैरकानुनी श्रमिकले पनि नयाँ रोजगारदातासँग आबद्ध हुन पाउने बाटो खुलेको छ ।
मलेसियाले गैरकानुनी रूपमा बसेकालाई पक्राउ भने गरिरहेको छ । कोरोना महामारी सुरु भएयता मात्र ३१ हजारभन्दा बढी डिपोर्ट भइसकेका छन् । जसमा झन्डै चार सय जना नेपाली छन् । ‘बिनासजाय स्वदेश फिर्न पाइने अवसर दिइएको छैन तर वैधानिक हैसियतमा काम गर्न पाउने अवसर छ ।
प्रतिक्रिया राख्नुहोस्