नेकपा (एमाले)को १०औँ राष्ट्रिय महाधिवेशनको उद्घाटन समारोहमा विभिन्न देशका राजनीतिक दलका प्रतिनिधिहरुको उपस्थिति हुनेछ भने उत्तरी छिमेकी मुलुक चीनको चिनियाँ कम्युनिष्ट पार्टीको भिडियो सन्देश प्राप्त भएको छ ।
विभिन्न अनलाइन संचारहरुमा एमाले महाधिवेशनलाई चँीनले वहिस्कार गर्यो भन्दै नकारात्मक समाचार टिप्पणी सार्वजकि भैरहेका बेला चीनबाट भिडियो सन्देश आएको हो ।
आज (मंसिर १० गते) मध्यान्ह चितवनको नारायणी किनारमा निर्मित विशेष मञ्चमा हुने महाधिवेशन उद्घाटनका लागि सबै तयारी पूरा भएको र उद्घाटनमा पाँच लाखभन्दा बढी जनसहभागिता हुने जनाइएको छ । महाधिवेशनमा दुई हजार १७५ प्रतिनिधि र १०३ पर्यवेक्षक सहभागी हुनेछन् ।
महाधिवेशनमा प्रधानमन्त्री एवं नेपाली कांग्रेसका सभापति शेरबहादुर देउवासहित विभिन्न दलका नेताले शुभकामना सम्बोधन गर्ने कार्यक्रम छ ।
सभामा बङ्गलादेश, श्रीलङ्का, कम्बोडियालगायत देशबाट राजनीतिक दलका प्रतिनिधि आउनुहुनेछ । त्यस्तै विभिन्न देशका राजनीतिक दलका शुभकामना सन्देश प्राप्त भएका छन् ।
‘जनताको बहुदलीय जनवादलाई सुदृढ गर्दै त्यसको मार्ग निर्देशनमा समाजवादको आधार निर्माण गरौँ’ भन्ने भन्ने नारा एमालेले अघि सारेको छ । नयाँ नेतृत्वका लागि आयोजित महाधिवेशनको बन्दसत्र सौराहामा हुनेछ ।
प्रतिक्रिया राख्नुहोस्